ସମସ୍ତେ ଇଚ୍ଛା କରନ୍ତି, ସେମାନଙ୍କ ବୈବାହିକ ଜୀବନ ସୁଖମୟ ହେଉ । ହସଖୁସିରେ ସମୟ ଅତିବାହିତ ହେଉ । ମାତ୍ର ଅନେକ ସମୟରେ କିଛି ଛୋଟ ଛୋଟ କାରଣ ପାଇଁ ଦାମ୍ପତ୍ୟ ଜୀବନରେ କଳହ ହୋଇଥାଏ । ତେବେ ବୈବାହିକ ଜୀବନରେ ଅଶାନ୍ତିର କାରଣ ବାସ୍ତୁ ଦୋଷ ବୋଲି ମଧ୍ୟ କୁହାଯାଏ । ବାସ୍ତୁ ଦୋଷ କାରଣରୁ ଦାମ୍ପତ୍ୟ ଜୀବନରେ ସମସ୍ୟା ସହ ସମ୍ପର୍କରେ ମଧ୍ୟ ପ୍ରଭାବ ପଡିଥାଏ । ବିଶେଷ କରି ଶୟନ କକ୍ଷରେ ବାସ୍ତୁ ନିୟମକୁ ଅଣଦେଖା କରିବା ଦ୍ୱାରା ବାସ୍ତୁ ଦୋଷ ସୃଷ୍ଟି ହୋଇଥାଏ । ଜାଣନ୍ତୁ କେମିତି ଶୟନ କକ୍ଷରେ ଥିବା ଖଟ ପାଇଁ ବାସ୍ତୁ ଦୋଷ ସୃଷ୍ଟି ହୋଇଥାଏ ।
ଶୟନ କକ୍ଷରେ ବାସ୍ତୁ ଦୋଷର ଅନେକ କାରଣ ରହିଛି । ଯାହା ଫଳରେ ଦମ୍ପତିଙ୍କ ମଧ୍ୟରେ ମନୋମାଳିନ୍ୟ ଓ ଅଶାନ୍ତି ହୋଇଥାଏ ।
ଖଟ ଏହାର ଏକ ମୁଖ୍ୟ କାରଣ ହୋଇପାରେ । ଖଟକୁ କେତୁଙ୍କ ପ୍ରତୀକ ବୋଲି କୁହାଯାଏ । ଏହା କାନ୍ଥ ସହ ଲାଗି ହୋଇ ରହିବା ଉଚିତ୍ ନୁହେଁ । ଅର୍ଥାତ୍ ଶୟନ କକ୍ଷରେ ଖଟ ସମ୍ପୂର୍ଣ୍ଣ କଣ ସ୍ଥାନକୁ ରଖିବା ଉଚିତ୍ ନୁହେଁ । ନଚେତ୍ କେତୁ ଗ୍ରହ ଅଶାନ୍ତି ହୋଇଥାନ୍ତି । ଫଳରେ ଦମ୍ପତିଙ୍କ ମଧ୍ୟରେ କଳହ ସହ ସ୍ୱାସ୍ଥ୍ୟ ଜନିତ ସମସ୍ୟା ଲାଗି ରହିଥାଏ ।
କେତୁଙ୍କ ପ୍ରଭାବରୁ ରକ୍ଷା ପାଇବା ପାଇଁ ଶୟନ କକ୍ଷରେ ଖଟକୁ ସର୍ବଦା କାନ୍ଥ ଠାରୁ ଦୂରେଇ ରଖନ୍ତୁ । ଯେପରି ଖଟ, କାନ୍ଥକୁ ସ୍ପର୍ଶ କରୁନଥିବ ଧ୍ୟାନ ଦେବେ । ଏହାଦ୍ୱାରା ବୈବାହିକ ଜୀବନ ସୁଖମୟ ହେବା ସହ ସକରାତ୍ମକ ଶକ୍ତି ସର୍ବଦା ରହିଥାଏ ।
ଶୟନ କକ୍ଷରେ ବିଛଣା ସର୍ବଦା ଦକ୍ଷିଣ-ପଶ୍ଚିମ ଦିଗରେ ରଖିବା ଉଚିତ। ବିଛଣାକୁ ଏପରି ସଜାନ୍ତୁ ଯେ ଆପଣଙ୍କ ମୁଣ୍ଡ ଦକ୍ଷିଣ ଦିଗକୁ ରହିବ। ଭୁଲରେ ମଧ୍ୟ କେବେବି ଦକ୍ଷିଣ ଦିଗକୁ ଗୋଡ଼ ରଖି ଶୁଅ ନାହିଁ। ଏହା ବ୍ୟକ୍ତିଙ୍କ ସ୍ୱାସ୍ଥ୍ୟ ସହିତ ତାଙ୍କ ଜୀବନ ଉପରେ ନକାରାତ୍ମକ ପ୍ରଭାବ ପକାଇଥାଏ।
ଶୟନ କକ୍ଷ ସମ୍ବନ୍ଧୀୟ ବାସ୍ତୁରେ କୁହାଯାଇଛି ଯେ ବିଛଣା କାଠରେ ତିଆରି ହେବା ଉଚିତ, ଏବଂ ଆୟତାକାର କିମ୍ବା ବର୍ଗାକାର ହେବା ଉଚିତ। କୋଠରୀର ଦର୍ପଣ ବିଛଣା ଆଡ଼କୁ ମୁହଁ କରିବା ଉଚିତ୍ ନୁହେଁ। ଦର୍ପଣଟି ଉତ୍ତର ଏବଂ ପୂର୍ବ କାନ୍ଥରେ ରଖିବା ଉଚିତ।
