ସମସ୍ତେ ଚାହାଁନ୍ତି ଉତ୍ତମ ସ୍ୱାସ୍ଥ୍ୟ। ଶରୀର ପ୍ରତି ବିଶେଷ ଭାବେ ଗୁରୁତ୍ଵ ଦେଲେ ଏହା ଭଲ ସ୍ୱାସ୍ଥ୍ୟ ରହିଥାଏ ବୋଲି ଭାବିବା। କିନ୍ତୁ ବ୍ୟସ୍ତ ବହୁଳ ସମୟ ପାଇଁ ଅଧିକାଂଶ ଲୋକଙ୍କ ପାଖରେ ଶରୀର ପ୍ରତି ଯତ୍ନ ନେବାକୁ ସମୟ ନଥାଏ। ତେବେ ଉତ୍ତମ ସ୍ୱାସ୍ଥ୍ୟ ବଜାୟ ରଖିବା ପାଇଁ ଆମେ ପ୍ରାୟତଃ ଅତ୍ୟାଧୁନିକ ସୁପରଫୁଡ୍, ଟ୍ରେଣ୍ଡି ଡାଏଟ୍, କିମ୍ବା ଚମତ୍କାରୀ ଫଳ ଖୋଜୁ ପାରମ୍ପରିକ ଔଷଧର ସମୃଦ୍ଧ ଇତିହାସ ସହିତ ଅଦା,ଏହିପରି ଏକ ସୁପରଫୁଡ୍।
ଯେତେବେଳେ ଆମ ଦୈନନ୍ଦିନ କାର୍ଯ୍ୟରେ ଅଦାକୁ ଫୁଟାଇ ପାଣି ଆକାରରେ ପିଇପାରିବା, ଏହା ଆମ ଶରୀର ପ୍ରତି ଅନେକ ସ୍ୱାସ୍ଥ୍ୟ ଉପକାର ଦେଇପାରେ।
– ଅଦାରେ ଆଣ୍ଟି-ବ୍ୟାକ୍ଟେରିଆ ଓ ଆଣ୍ଟି-ଭାଇରାଲ ଗୁଣ ରହିଛି ଯାହା ବିଭିନ୍ନ ରୋଗ ଓ ସଂକ୍ରମଣରୁ ଶରୀରକୁ ସୁସ୍ଥ ରଖିଥାଏ । ଆମର ଭାରତୀୟ ଖାଇବାରେ ଅଦା ବ୍ୟବହୃତ ହୋଇଥାଏ । ଗରମ ପାଣିରେ ଅଦା ଫୁଟାଇ ପିଇଲେ ଶରୀରକୁ ଅନେକ ଫାଇଦା ମିଳେ । ଆସନ୍ତୁ ଅଦା ପାଣି ପିଇଲେ କଣ ଲାଭ ହୁଏ ।
– ଅଦା ପାଣି ଗଣ୍ଠି ଓ ମାଂସପେଶୀରେ ଯନ୍ତ୍ରଣା କମ୍ କରିପାରେ । ଏଥିରେ ବିଶେଷ ଭାବେ ଆଣ୍ଟି-ଇନଫ୍ଲାମେଟୋରୀ ଗୁଣ ଅଛି । ଆଣ୍ଠୁ ଗଣ୍ଠି,ମାଂସପେଶୀ ଯନ୍ତ୍ରଣା, ଋତୁସ୍ରାବ ସମ୍ବନ୍ଧୀୟ ସମସ୍ୟା କମାଇବାରେ ଉପଯୋଗୀ ହୋଇଥାଏ । ସେହିପରି ଆଣ୍ଟି-ଅକ୍ସିଡାଣ୍ଟ ଗୁଣରେ ଭରପୂର ଅଦା ପାଣି ତ୍ବଚା ସହ ଜଡିତ ସମସ୍ୟାରୁ ରକ୍ଷା କରିଥାଏ ।
– ଗରମ ପାଣି ଓ ଅଦା ପିଇଲେ ଓଜନ ନିୟନ୍ତ୍ରଣରେ ସହାୟକ ହୁଏ । ସକାଳେ ଖାଲି ପେଟରେ ଏହି ଅଦା ପାଣି ପିଇଲେ ପେଟରେ ମେଟାବୋଲିଜିମ ବଢିଥାଏ । ଏହା ମେଦବହୁଳତା କମ୍ କରିବାରେ ସାହାଯ୍ୟ କରେ । ଭୋକ ମଧ୍ୟ କମାଏ ।
– ଅଦା ପାଣି ପିଇଲେ କୋଷ୍ଠକାଠିନ୍ୟ, ଡାଇରିଆ, ଗ୍ୟାସ୍ ଆଦି ସମସ୍ୟା କମ୍ ହୁଏ । ଦେହ ବୁଲାଉଥିଲେ କିମ୍ବା ବାନ୍ତି ହେଉଥିଲେ ଅଦା ପାଣି ପିଇଲେ କମିଯାଏ । ଅଦାକୁ ମେଥି କିମ୍ବା ପୋଦିନା ସହ ପାଣିରେ ମିଶାଇ ପିଇପାରିବେ ।
– ବିଶେଷଜ୍ଞ କହିଛନ୍ତି ଯେ, ଅଦା ଖରାପ କୋଲେଷ୍ଟ୍ରଲ କମ୍ କରି ଭଲ କୋଲେଷ୍ଟ୍ରଲ ବଢାଇବାରେ ସାହାଯ୍ୟ କରେ । ଅଦା କିମ୍ବା ଅଦା ପାଣି ସେବନ କଲେ ଖରାପ କୋଲେଷ୍ଟ୍ରଲ ହ୍ରାସ ପାଏ ଯାହାକି ହୃଦୟ ସ୍ବାସ୍ଥ୍ୟ ପାଇଁ ଲାଭଦାୟକ ।
– ପାଣିରେ ଅଦା ଓ ହଳଦୀ ପକାଇ ଏହାକୁ ଫୁଟାଇ ପିଇଲେ ଥଣ୍ଡା-କାଶ ଦୂର ହୋଇଥାଏ ।
– ଗୋଟିଏ ମାସ ଧରି ନିୟମିତ ଅଦା ପାଣି ପିଇଲେ ଶରୀରରେ ରୋଗ ପ୍ରତିରୋଧକ ଶକ୍ତି ବଢିଥାଏ । କାରଣ ଏଥିରେ ଆଣ୍ଟି-ଅକ୍ସିଡାଣ୍ଟ ରହିଛି । ଏହି ଆଣ୍ଟି-ଅକ୍ସିଡାଣ୍ଟ ଓ ଆଣ୍ଟି-ଇନଫ୍ଲାମେଟୋରୀ ଗୁଣ ପାଚନ ତନ୍ତ୍ରକୁ ସୁସ୍ଥ ରଖିଥାଏ । ବିଶେଷଜ୍ଞଙ୍କ କହିବା କଥା, ବଦହଜମୀ, ପେଟ ଯନ୍ତ୍ରଣା, ଫୁଲା, ବାନ୍ତି ଲାଗିବା ଭଳି ସମସ୍ୟା ହେଲେ ଅଦା ଖାଇଲେ ତୁରନ୍ତ ଆରାମ ମିଳିଥାଏ । ଏଥିସହ ଏହା ଚିନ୍ତା, ଚାପ କମ୍ କରି ମାନସିକ ସ୍ବାସ୍ଥ୍ୟରେ ମଧ୍ୟ ସୁଧାର ଆଣିପାରେ ।
